भविष्यवाणी

आज दुपारी कोल्हापूर बस स्थानकापासून जात होतो. त्यावेळी कोणीतरी मला इशारा करीत असल्याचा भास झाला (कदाचित असा इशारा पूर्वी कोणी केलेला नव्हता). व्यवस्थित पहिले तर दोन-चार पुस्तके घेऊन बसलेला एक व्यक्ती होता. क्षणार्धात तो माझ्याजवळ येऊन म्हणाला कि, साहेब आपले भविष्य पाहून जावा. तुम्हाला  आयुष्य सुखकारक जाईल.पण मी त्याला म्हणालो की (माझ्या  तिरकट स्वभावाने), माझे आयुष्य कालही सुखकारक होते, आजही आहे आणि उद्याही असेल. कारण मी आजपर्यंत कोणी ज्योतिष्याकडे/भोंदू कडून कधीही भविष्य पहिले नाही. क्षणाचाही विचार न करता व्यक्तीने तेथून पोबारा केला. कदाचित त्याला आपले भविष्य कळले असावे.